07 ноября 2009 г.
19 çулхи Михаил Римов Шупашкарти строительство техникумне пĕтернĕ хыççăн тÿрех тăван Шĕнерпуçне таврăннă. Ялта тĕпленесшĕн çамрăк каччă, хула пурнăçĕ илĕртмест ăна. Ялшăн Михаил пек яш-кĕрĕм паян «ылтăнпа» танах, нумайăшĕ хулана тарасшăн пулсан, унашкаллисем тăван çĕрне «сывлаттарасшăн», унăн малашлăхĕ пуласшăн.
Вырăнти хутлăх администрацийĕ патриот туйăмлă каччăна асăрхамасăр иртмен. Паян Михаил обществăлла ĕçсенче тăрăшать, вăхăт иртсен уншăн ялта яваплăрах ĕç вырăнĕ те тупăнĕ. Кирек епле пулсан та хулана мар, яла тĕпе хурать çамрăк, апла пулсан, çухалса каймĕ.
ПИРĔН КОРР.
Источник: "Наше слово" ( Мариинско-Посадская районная газета)