07 ноября 2009 г.
Ĕнер районти Культура çурчĕ чи сумлă хăнасене йышăнчĕ. Çĕр ĕçченĕсемсĕр çĕр-аннемĕр пире тăрантараймĕ. Çĕр-анне вара – пирĕн планета тĕшшийĕ.
Ун çинче этем пурнăçĕ тытăнса тăрать. Пурнăç паракан хресченсене чысларĕç те ĕнер районта ялхуçалăх тата унăн продукцине тирпейлекен промышленность ĕçченĕсен уявĕ ячĕпе. Вĕсен пултарулăхне, ĕçченлĕхне тĕрлĕ шайра палăртни кăмăллă. Акă, республика шайне илсен, кăçал «Звезда» СХПК тĕп агрономĕ В. Орлов тата «Восток» СХПК доярки З. Ефимова Чăваш Республикин Ялхуçалăх министерствин Хисеп грамотисене тивĕçрĕç. Сĕнтĕрвăрри район администрацийĕ ячĕпе те пулчĕç чыславсем.
Уяв, паллах, инçетрен çитнĕ хăнасемсĕр те иртмерĕ. Сĕнтĕрвăррисем хăйсем те вĕсене пушă алăпа кĕтсе илмерĕç темелле, ялхуçалăх продукцийĕн ятарласа йĕркеленĕ выставкипе паллаштарчĕç т. ыт. те.
Тĕплĕнрех уяв мероприятийĕ çинчен хаçатăн çитес вырăсла кăларăмĕнче каласа кăтартăпăр.
ПИРĔН КОРР.
Источник: "Наше слово" ( Мариинско-Посадская районная газета)