24 января 2009 г.
Тĕрлĕ классенче вĕренекенсем канат та туртрĕç, кроссра та чупрĕç, эстафетăна та хутшăнчĕç, конькипе ярăнса та вăй виçрĕç, чирлисене вырăнтан вырăна мĕнле куçармаллине те кăтартса пачĕç. Чи хастаррисем вара К. Гуськов, С. Бельская, А. Кольцова, А. Калмыков, А. Орлова, Д. Шилов, М. Орлов тата ытти вĕренекенсем пулчĕç. Уяв вĕçленнĕ тĕле мероприятие хутшăнакансене Г. Якимова, Г. Тинякова тата И. Харбина поварсем тутлă кукăльпе кĕтсе илчĕç.
Хаваслă спортпа сывлăх уявне вĕренекенсен çирĕп сывлăхĕшĕн тăрăшакан спорт ĕçĕн ветеранĕ В. Маклашкин йĕркеленĕ. Ыттисен те çак хастар çынран тĕслĕх илсен аван пулмалла пек.
Е. МАКАРОВА.
Источник: "Наше слово" ( Мариинско-Посадская районная газета)