13 декабря 2008 г.
Карапаш ялĕнчи тĕслĕх библиотекăра Хуракасси шкулĕнче, тивĕçлĕ канура пулин те, ОБЖпа истори урокĕсене ертсе пыракан Полина Никоноровна Иванова çырнă "Хуракасси. Хăрушă кун" ("Эльбарусово. День трагедии") кĕнекен презентацийĕ иртрĕ.
Асăннă мероприятие П. Иванова хăй те килсе çитнĕ. Вăл шкулта пулса иртнĕ пушар çинчен питĕ витĕмлĕ те чуна пырса тивмелле каласа пачĕ. Библиотекăна пухăннисем пурте тенĕ пекех куççуль кăлармасăр чăтаймарĕç. Ара, карапашсемпе вăрман пилемĕчсем хушшинче те унта шар курса вилнисем пур-çке (Т. Сударкина, Е. Ефимова тата ыт. те).
Полина Иванова пуçламăш шкула, Кĕчкейпе Карапаш библиотекисене тата пушарта вилнисен тăванĕсене асăнмалăх хăйĕн кĕнекине парнелерĕ.
.
Источник: "Наше слово" ( Мариинско-Посадская районная газета)