Публикации » Кĕрхи уяв хаваслăхĕ

Кашни класс хăй шухăшласа тупнă кĕрхи тумпа паллаштарчĕ. Çамрĕк модельерсене куракансем тăвăллăн алă çупса кĕтсе илчĕç. Кулăшла, хăйне евĕрлĕ çи-пуç хатĕрленĕ вĕсем. Уйрăмах 11 «Б» классем палăрчĕç. Килти ĕçе те тĕплĕн хатĕрленнĕ ачасем. Çутçанталăк материалĕнчен «Кĕрхи фантази» хаçат кăларнă. Кунта вара вуннăмĕшсене çитекен пулмарĕ.

Тĕрлĕ конкурсра тупăшрĕç вĕренекенсем, «Çулçă касса кăлар», «Тусна хăнала», «Çĕрулми пуçтар», «Канав урлă каç». Пурте хастар хутшăнчĕç кĕрхи уява. Çапах вуннăмĕшсем пĕрремĕш пулчĕç. Иккĕмĕш вырăна – 9 «А», виççĕмĕшне – 9 «Б» класс тухрĕ.

Е. ГРИГОРЬЕВА,

9-мĕш класра

вĕренекен.