30 августа 2008 г.
Вырман çурла уйăхĕн 28-мĕшĕнчи кăтартăвĕсем пĕрчĕллĕ тата пăрçа йышши культурăсене районта планăн 68 проценчĕ чухлĕ вырни çинчен «хыпарлаççĕ». Апла пулсан, вырăннă лаптăк 3150 гектара çитнĕ. Ун çинчен пĕтĕмпе 5710 тонна тырă тĕшлесе илнĕ. Гектарти вăтам тухăçа çурхи культурăсем, шел пулин те, чакарсах пыраççĕ. Асăннă кун тĕлне вăл 18,1 центнерпа çеç танлашнă.
Пĕрчĕллĕ культурăсенчен пĕлтерĕшли, паллах – тулă. ¤на хальлĕхе 1400 гектар çинчен 2870 тонна вырса илнĕ (кашни гектартан 21 центнер тухнă). Урпа 1020 гектартан 1836 тонна тухнă (вăтам тухăç –18 ц).
Улăма пĕтĕмпе 2550 га çинчен пуçтарма ĕлкĕрнĕ.
Пĕтĕмĕшле илсен, пирĕн район вырма хăвăртлăхĕпе те, тухăç кăтартăвĕсемпе те республика шайĕнче юлашки позицире çеç пырать. Çакăн сăлтавĕсем нумайăшĕшĕн паллă. Апла пулин те районта вырмана вĕçленисем те çук мар. Вĕсен шутĕнче, 28-мĕш ПУ-н хушма хуçалăхĕ, «Куснар» ЗАО, В. Крыловăн хресченпе фермер тата «Волга» хуçалăхсем.
Кĕракире «Волга», «Звезда», «Кугеевский» ялхуçалăх предприятийĕсем тăрăшаççĕ. Акăннă лаптăк 270 гектарпа танлашать.
Кĕрхи çĕртме ĕçĕ А. Федоровăн хресченпе фермер хуçалăхĕнче тата «Куснар» ЗАО арендăлакан çĕрсенче пурнăçланать.
И. НИКИТИНА.
Источник: "Наше слово" ( Мариинско-Посадская районная газета)