Новости » Шывпа тивĕçтерессишĕн яваплă

09:00 19 июля 2014 г.

ХУРАКАССИ ял хутлăхĕнчи Çĕньял Пукашпа Услă Пукаш ялĕсене шывпа тивĕçтерекен башньăна пăхса тăма Николай Рудольфович Сотнезова çирĕплетнĕ. Ăна Николай Лукин та, сварка ĕçĕсем тумалла чухне, пулăшать. Паллах, кивелнĕ шыв системине ĕçлеттерме çăмăл мар. Анчах та Шыв Микули (ку тăрăхра çапла чĕнеççĕ ăна) хăйĕн тивĕçĕсене тỹрĕ кăмăлпа туса пырать, кашни çыннăн нушинех ăнланма тăрăшать. Н. Сотнезов нумай çул хушши "Эльбарусовский" совхозра уй-хир ĕçĕсен бригадирĕ пулса ĕçленĕ. Халĕ вăл тивĕçлĕ канура. Н. Сотнезовăн кукашшĕ - Василий Михайлович Сотнезов (Усли Ваççи)- ­ поэт-фронтовик пулнă, Тăван çĕршывăн Аслă вăрçинче, Киева хỹтĕленĕ çĕрте, пуçне хунă. Николай Рудольфовичăн хĕрĕ, Настя та, сăвă çырассипе пултаруллă. Унăн хайлавĕсем Хуракассинчи шкулта тухса тăракан "Вулавăш" литхаçатра час-часах кун çути кураççĕ.

А. МАКСИМОВ.

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики