Новости » Министр çумĕ – училищĕре

10:46 18 января 2014 г.

Иртнĕ юнкун Чăваш Республикин вĕренÿ тата çамрăксен политикин министрĕн çумĕ С. Кудряшов пирĕн районта пулнă. Сергей Владимирович хулари 28-мĕш тата 11-мĕш номерлĕ професси училищисен ĕç коллективĕсемпе тĕл пулнă.

28-мĕш номерлĕ училищĕре ĕçлекенсен пĕрлехи пухăвĕнче министр çумĕ унăн директорне П. Михайлова Чăваш Республикин Пуçлăхĕн Тав çырăвне панă. Ертÿçĕ ăна хăйĕн педагогика ĕçĕнчи ÿсĕмĕсемшĕн тата ăста специалистсем вĕрентсе хатĕрленĕшĕн тивĕçнĕ.

С. Кудряшов училищăн малашнехи аталану планĕпе паллашнă, вĕренÿ заведенийĕ кăçалхи пĕрремĕш кварталта техникум статусне илме мĕнле хатĕрленнипе интересленнĕ. Вăл ăна малалла аталантарас енĕпе пĕрле килĕштерсе ĕçлеме шантарнă.

ПИРĔН КОРР. 

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики