Новости » Хĕл умĕнхи паха парне

12:01 23 ноября 2013 г.

Нарат Чакки ялĕнче пурăнакансемшĕн, культура ĕçченĕсемшĕн тинех кĕтнĕ самант çитнĕ. Кунта ĕнер клуб çуртне, фельдшерпа акушер пунктне тата ял библиотекине çутçанталăк газĕ пама тытăннă. Газовиксене учрежденисен работникĕсем хăйсем те пулăшнă. Ăшă клубра малалла культура работникĕсем вак-тĕвек юсав ĕçĕсене пурнăçлĕç, çавăнпа пĕрлех çитес уявсене хатĕрленме те меллĕ халĕ.

Хуракасси ялĕнче нумай хваттерлĕ çуртсене те газпа уйрăммăн(индивидуальное отопление) ăшăтма тытăннă. 5-мĕш тата 6-мĕш номерлĕ çуртсене те «кăвак çулăмпа» ăшăтаççĕ, 3-мĕш тата 4-мĕш çуртсене вара – электричествăпа. Нумай хваттерлĕ çуртсенче пурăнакансем газ кĕртме пулăшнăшăн Хуракасси ял тăрăхĕн администрацине тав тăваççĕ.

О. КУДРЯШОВА,

вырăнти ял администрацийĕн

специалисчĕ.

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики