Новости » Полици капитанĕ Атăла парăнтарнă

16:14 12 ноября 2013 г.

РФ Шалти ĕçсен министерствин муниципалитетсем хушшинчи «Мариинско-Посадский» пайĕнче ĕçлекен Светлана Ерпылева юханшывра ишес енĕпе иртнĕ Чăваш Ен чемпионатĕнче çĕнтерÿçĕ ятне тивĕçнĕ.

Шупашкарта Атăл хĕрринче иртнĕ ăмăртăва пирĕн республикăри спортсменсемсĕр пуçне Тутарстан, Мари Эл республикисен, Чĕмпĕр облаçĕн «моржĕсем» хутшăннă. Шалти служба капитанĕ С. Ерпылева 100 метрлă дистанцие пĕрремĕш вĕçлесе чи пысăк наградăна çĕнсе илнĕ. Триатлонпа тахçанах туслăскер ишевçĕсен турнирĕсенче пĕрре мар малти вырăнсене йышăннă. Иртнĕ çулхи юпа уйăхĕнче Сĕнтĕрвăрри полицейскийĕ паттăрлăхпа та палăрнă, районти спорт комплексĕн бассейнĕнче путакан 13-ри хĕрачана вилĕмрен çăлнă.

А. МИХАЙЛОВ.

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики