Новости » Республика кунĕ – Комсомольскинче

08:27 26 октября 2013 г.

2014 çулта Республика кунне ăçта ирттересси паллă. Чăваш Республикин Пуçлăхĕ М. Игнатьев кăçалхи юпа уйăхĕн 23-мĕшĕнче йышăннă 106-номерлĕ Указпа килĕшÿллĕн çитес çулта Республика кунне уявламалли тĕп мероприятисене Шупашкар хулинче тата Комсомольски районĕнче ирттерме йышăннă.

Чăваш Республикин муниципалитет районĕсемпе хула округĕсен Республика кунĕн уяв мероприятийĕсене хăйсен территорийĕнче ирттермелли ирĕке çĕнсе илмелли конкурсăн çĕнтерÿçи тесе Комсомольски районне йышăннă.

Сăмах май каласан, темиçе çул каярах пирĕн район та çак çулсеренех ирттерекен конкурс çĕнтерÿçи пулнăччĕ. Ун чухне Республика кунне Сĕнтĕрвăрри тăрăхĕнче çÿллĕ шайра ирттернĕччĕ.

С. СВЕТЛОВА.

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики