08:53 19 августа 2013 г.
Чăваш Ен Пуçлăхне Михаил Игнатьева физкультурăпа спорта аталантарас енĕпе Раççей Федерацийĕн Патшалăх Канашĕн тата Раççей Федерацийĕн Президенчĕ çумĕнчи Канашĕн пĕрлехи ларăвне хатĕрлес тĕлĕшпе ĕçлекен ушкăнне кĕртнĕ. Ларăва массăллă спорта аталантарас тата халăха ку енĕпе воспитани памалли ыйтусене халаллаççĕ.
Ĕç ушкăнĕн ертÿçи пулма Красноярск крайĕн кĕпĕрнаттăрне Лев Кузнецова çирĕплетнĕ. Пĕрремĕш лару Раççей Федерацийĕн Президенчĕн Администрацийĕнче çурла уйăхĕн 20-мĕшĕнче иртет.
Шупашкар уявĕ
Ыран Шупашкарта пысăк уяв пулать – пирĕн республикăн тĕп хулийĕ хăйĕн çуралнă кунне паллă тăвать. Çак сумлă уявпа Чăваш Республикин пуçлăхĕ М. Игнатьев шĕкĕр Шупашкарта пурăнакансене ăшшăн саламланă.
Уяв программи анлă та тĕрлĕ енлĕ. Чи малтанах кунта ирхине 9 сехетре «Çăлтăрпа ирттернĕ» зарядка пулĕ. Ăна «Счастливы вместе» сериал çăлтăрĕ Виктор Логинов (Гена Букин) ертсе пырĕ. Ун хыççăн кăнтăр апачĕ тĕлнелле «Шупашкар– ачалăх хули» çемье уявĕ пуçланĕ, каярахпа Раççей тата чăваш эстрада артисчĕсен концерчĕ. Илемлĕ ташă-юрă, кĕвĕ, фейерверк… Пĕр сăмахпа каласан, Шупашкар хулин çуралнă кунĕ яланхи пекех хаваслă та савăнăçлă иртĕ. Кăмăл пулсан çитсе килме пултаратăр çак уява.
С. СВЕТЛОВА.
Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики