Новости » Капăрланать тăван хуламăр

07:48 08 июня 2013 г.

Кунсерен илемленсе те хитреленсе пырать Сĕнтĕрвăрри хули. Куç умĕнчех пулса иртекен ырă улшăнусене курсан чун савăнать. чĕре хăв çуралса ÿснĕ çĕршывăн чуна çывăх кĕтесĕпе мухтанма хистет. мăнаçлану туйăмĕпе тулать. Унта та кунта çĕнĕ çуртсем çĕклене-çĕклене лараççĕ. кĕçех хута каякан автовокзал çурчĕ те кермен пекех туйăнать. Çак кунсенче унта та кунта строительство ĕçĕсем хĕрсех пыраççĕ.

Çу кунĕсемпе усă курса кашни предприяти хăйĕн сăн-сăпатне ырă тĕс кĕртессишĕн тăрăшать. Районти поликлиника çурчĕ тĕпрен çĕнелсе улшăнчĕ. Унăн территорине тирпей-илем кĕртессишĕн кунта ĕçлекенсем хастарлансах тăрăшаççĕ.

Автомашинăсем чупакан çулпа юнашар çуран çÿрекенсем валли çĕнĕ тротуарсем пулни те хулари ырă пулăмсенчен пĕри. Вĕсене кĕске хушăрах йĕркелештерсе туса пĕтерес тесе нумай вăй хураççĕ.

Г. ТРИФОНОВА.

Автономное учреждение Чувашской Республики "Редакция Мариинско-Посадской районной газеты "Пирен Самах" ("Наше Слово") Министерства цифрового развития, информационной политики и массовых коммуникаций Чувашской Республики