Новости » Асăну кунне асра тытса

00:00 27 октября 2012 г.

1961 çулхи чÿк уйăхĕн 5-мĕшĕнче Хуракасси шкулĕнче тухнă пушарта çĕр ытла вĕренекенпе вĕрентекен çунса вилнĕ. Çак хурлăхлă событи ку тăрăхра нихăçан та манăçмасть. Асăну кунĕ тĕлне вырăнти шкулта вĕренекенсем çулсерен масар çине кайса пушарта çунса вилнисен вилтăприсене типтерлеççĕ, кунта яланах тасалăх хуçалантăр теççĕ. Йăлана кĕнĕ асăну митингне хутшăнакансем те масар çине çитсе чечек кăшăлĕсем хумасăр саланмаççĕ. Çавна кура иртнĕ эрнере Хуракасси шкулĕнче ăс пухакансем (10-мĕш класс ачисем) хăйсен класс ертÿçипе масар çине кайса йĕрке тунă.

51 çул каялла вуншар çамрăк çыннăн пурнăçне вăхăтсăр татнă вут-çулăм инкекĕ кирек ăçта та пушар тухасран пит сыхлануллă та асăрхануллă пулмаллине аса илтерсех тăрать.

Л. СЫНКОВА.