00:00 27 августа 2011 г.
"Ялсен 2013 çулчченхи социаллă аталанăвĕ" ятарлă федераллă программăпа килĕшÿллĕн Октябрьскинчи ялхуçалăх производство кооперативĕнче тĕп бухгалтерта тăрăшакан Т. Матюшова çемйи çурт илмелли свидетельствăна тивĕçнĕ. Çамрăк çемьене район администраци пуçлăхĕн пĕрремĕш çумĕ Н. Краснов саламланă, сывлăхпа телей, тату пурнăç суннă.
Татьянăпа Артем Матюшовсем Октябрьски ялĕнче пурăнаççĕ, вĕсен ывăл çитĕнет. Хуракасси ял хутлăхне кĕрекен Ваçликасси ялĕнчи Бакинсен çемйине те çурт лартма свидетельство панă. Эпир те çамрăк çемьесене патшалăх панă парнепе саламлатпăр.
И. ТИХОНОВА.