00:00 27 августа 2011 г.
Виçĕмкун пирĕн районта ЧР культура министрĕн çумĕ Т .Казаковăпа ЧР Халăх пултарулăх çурчĕн директорĕ В. Бондарев пулнă. Вĕсене район администрацийĕн пуçлăхĕн çумĕ О. Залогин тата районти Культура çурчĕн директорĕ Л. Трещенкова кĕтсе илнĕ, культура объекчĕсемпе паллаштарнă. Çапла вара хăнасем Урхас Кушкăри, Хуракассинчи тата Карапашри Культура çурчĕсене çитсе килнĕ. Асăннă культура вучахĕсене Министерство пулăшăвĕпе юсанă, çĕнĕ сăн кĕртнĕ. Курса çÿренĕ объектсен ĕçĕ-хĕлĕпе тата çак ялсенчи культура шайĕпе хăнасем кăмăллă юлнă.
Т. Казаковăпа В. Бондарев Шуршăл ялĕнчи юсав ĕçĕсем пыракан Культура çуртне те кĕрсе курчĕç, унти лару-тăрупа паллашрĕç. Шуршăла килекенсем пурте Мемориал комплексне кĕрсе кураççĕ. Ку хутĕнче те Шупашкар хăнисем унта пулмасăр Сĕнтĕрвăрри çĕрĕпе сывпуллашмарĕç.
Е. ВАСИНА.