00:00 23 июля 2011 г.
Иртнĕ эрнере Шупашкар хулинчи Трактор тăвакансен Культура керменĕнче пирĕн паллă ентешĕмĕрĕн, чăваш эстрада артисчĕн, ЧР культурăн тава тивĕçлĕ ĕçченĕн, поэтăн, композиторăн, тĕрлĕ телепередача авторĕн Александр Михайлович Васильевăн 50 çулхи юбилейне паллă тунă. Уяв программине Сĕнтĕрвăрри делегацийĕ те хутшăннă. Район администрацийĕн пуçлăхĕн çумĕ О. Залогин, Сĕнтĕрвăрри ентешлĕхĕн ертÿçи С. Разин юбиляра чун-чĕререн саламланă. ЧР культурăн тава тивĕçлĕ ĕçченĕ Г. Раков ертсе пыракан чăваш халăх хорĕ вара А. Васильева музыка саламĕпе савăнтарнă. Ентешĕмĕре саламлама унăн юлташĕсем те, эстрада юрăçисем те килсе çитнĕ.
Р. НИКОЛАЕВА.