00:00 02 апреля 2011 г.
Ытларикун Сĕнтĕрвăрринчи МарГТУ филиалĕнче шкул директорĕсен вĕрентÿпе воспитани енĕпе ĕçлекен çумĕсем пуçтарăнчĕç. Чи малтан асăннă вĕренÿ заведенийĕн ертÿçи А. Автономов МарГТУна вĕренме кĕмелли условисемпе паллаштарчĕ, çĕнĕ факультетсем уçăлнине пĕлтерчĕ. Кăçал унта 125 ачана бюджет майĕпе вĕренме илме палăртнă.
Канашлура администрацин вĕрентÿпе çамрăксен политикин пайĕнче ĕçлекен С. Арсентьева "Çулталăк учителĕ" конкурса хутшăнмалли положенипе паллаштарчĕ. Çавăн пекех директор çумĕсем "çавра сĕтел" хушшинче çĕнĕ вĕрентÿ стандарчĕсене тата шкул пĕтерекенсемпе аттестаци ирттерессине сÿтсе яврĕç.
Мероприяти вĕçленнĕ май А. Автономов филиал ĕçĕ-хĕлĕпе, кун-çулĕпе паллаштаракан экскурси ирттерчĕ, музейпе паллаштарчĕ.
Е. ВЕРНОВА.