Новости » Иккĕшĕ те программăна кĕме тивĕçнĕ

00:00 02 апреля 2011 г.

Яллă территорисене комплекслă аталантарассипе çулсерен ирттерекен республика конкурсне кăçал районтан Октябрьски тата Шуршăл ял хутлăхĕсене хутшăнма тăратни çинчен хаçат вулаканĕсем пĕлме кирлĕ. Нумаях пулмасть çак конкурсăн итогĕсене пĕтĕмлетнĕ. Палăртма кăмăллă, пирĕн районти икĕ хутлăх та çÿлерех асăннă программăна кĕме тивĕçнĕ. Ытти районсенчен пĕрер хутлăх кăна суйласа илнĕ пулсан, кăçал Раççейре Космонавтика çулталăкĕ иртнине кура, Шуршăл хутлăхне çак енпе усă курса программăна кĕртнĕ. Çапла майпа асăннă хутлăхсен территорийĕсенчи культура, вĕренÿ, медицина учрежденийĕсем тĕпрен юсанмалла.

И. ПАВЛОВА.