00:00 25 сентября 2010 г.
Хальхи вăхăтра районти ялхуçалăх организацийĕсенче çитес çураки валли çĕр хатĕрлес ĕç пырать. Паянхи кун тĕлне 2200 га çĕртме тунă.
Çĕр ĕçĕн пахалăхне лайăхлатас тĕллевпе М. Тагеевăн хресчен-фермер хуçалăхĕ çĕре тарăнрах (40-45 см) сухалама май паракан агрегат, Австрири Vogel Noot компани туса кăларнăскер, туяннă. Вăл çулсерен пĕр пек тарăнăшне сухаланипе пулакан çитменлĕхсене пĕтерме май парать. Тĕслĕхрен, çĕнĕ агрегатпа усă курни нÿрĕке тата тутлăхлă япаласене тарăнрах кайма пулăшать.
Çакна палăртмалла, ялхуçалăх культурисем туса илмелли агротехника çĕре асăннă агрегатпа пилĕк çулта пĕр хутран кая мар усă курса хатĕрлеме сĕнет. Паянхи кун тĕлне М. Тагеев хуçалăхĕнче çĕнĕ меслетпе 70 га çĕр ĕçлесе хатĕрленĕ.
В. ЯКОВЛЕВА.