20 февраля 2021 г.
2020 çулхи юпа уйăхĕнчен пуçласа Кукашнири вăтам пĕлÿ паракан шкулта «Ÿсĕм пăнчи» центр ĕçлет. Вăл шкул ачисене хальхи технологисемпе тата гуманитари ăслăлăхĕсемпе кăсăкланма пулăшать.
Ачана аталантарма тĕрлĕ ĕç-хĕле хутшăнтармалла. «Ÿсĕм пăнчи» класĕнче шкул ачисем тăтăшах «Робототехника», «Конструировани тата моделировани», «3D моделировани» тата «Шкулти квадрокоптер» программăсемпе ĕçлеççĕ.
Вĕренекенсем хăйсен кăмăл-туртăмĕсене шута илсе робот техникин ансат механизмĕсене, вĕçев аппарачĕсен тĕрлĕ майĕсене тĕпчеççĕ, модельсем туса хатĕрлеççĕ. 3D принтер пулăшнипе шкул ачисем хатĕр детальсем çаптарса кăларма вĕренеççĕ.
Çĕнĕ программăсем вĕренекенсен шухăш-кăмăлне лайăхлатма, вĕсен пултарулăх ĕçне йĕркелеме, ăсталăха аталантарма май параççĕ.Палăртса хăварар, «Ÿсĕм пăнчи» классем «Вĕрентÿ» наци проекчĕн тĕллевĕсене пурнăçа кĕртес шайра уçăлаççĕ.
Е. ЯСТРЕБОВА.
Источник: "Наше слово" ( Мариинско-Посадская районная газета)