23 декабря 2019 г.
Нумаях пулмасть Чăваш Республикин культура, национальнăç ĕçĕсен тата архив ĕçĕн министрĕ К. Яковлев Раççейри Экономика аталанăвĕн министерствинче иртнĕ «Раççейри туризм аталанăвĕ» ларăва хутшăнчĕ.
Пĕрремĕш кунне К. Яковлевпа унăн ĕçтешĕсем туризм отраслĕн проблемисене, унăн пуласлăхне пăхса тухрĕç. Палăртнă темăсем хушшинче регионсенче туроператорсен пĕрлĕхлĕ реестрне тăвасси, электронлă путевкăсем тума пуçласси, хостелсен ĕçне йĕркелесе тăрасси çинчен саккун йышăнасси тата ытти темăсем пулчĕç.
Иккĕмĕш кунне регионсенче туриста илĕртме пултаракан продукци кăларассипе тата пĕрлĕхлĕ коммуникаци политикине ирттерессипе йышăннă мерăсене пăхса тухрĕç.
И. ЭТМЕНЬ.
Источник: "Наше слово" ( Мариинско-Посадская районная газета)