09 декабря 2019 г.
Ĕçе автобуспа килнĕ май, «Придорожный» чарăнура салона пĕр хĕрарăм кĕнине сăнарăм. Хамăр районта çеç мар, ытти çĕрте пурăнакансем те нумайăшĕ «Белые камни» кану лагерьне кайса курнă тесе шутлатăп. «Придорожный» витĕр тухнă май хăшпĕрин «Мĕнле пурăнаççĕ-ши çакăнта?» текен ыйту çуралнах пулĕ. Эпĕ те интересленсе пăхрăм тин çеç автобуса ларнă хĕрарăм çине.
«Пурăнатпăр, вилес теместпĕр. Нумаях пулмасть Çĕнĕ Шупашкара çутăпа усă курнăшăн укçа тÿлеме кайрăм. Тÿлев квитанцийĕнче «поселок Придорожный» тесе çырнине курса, кассир «Урам ячĕ çук-им?» - тесе ыйтрĕ. «Çук çав, - хуравларăм эпĕ. «Пурăнатпăр çапла, ятсăр-шывсăр, пĕр урам анчах пулсан та ячĕ, çурт номерĕ пулмалла пек туйăнать», - шухăшне пĕлтерчĕ çумра ларакан.
Çак пĕчĕк, анчах пысăк пĕлтерĕшлĕ «ялăн» нушисене яваплă çынсем татса парасса шанас килет. Унăн та, ытти географи объекчĕсем пекех, хăй çинчен калакан пур паллăсем те пулччăр.
Источник: "Наше слово" ( Мариинско-Посадская районная газета)