19 августа 2019 г.
Ял хутлăхĕсен пурнăçĕпе паллаштаракан рубрикăна малалла тăсса, эпир иртнĕ эрнере ялсенче пулса иртнĕ улшăнусемпе паллаштаратпăр.
Карапашри активистсем Приволжская урам вĕçĕнче вырнаçнă çăлкуçа юсарĕç, çăл тĕпĕпе унăн айккисене курăкпа юшкăнран тасатрĕç. Староста палăртнă тăрăх, çăлкуç - ялти тулăх пурнăçăн символĕ, çавăнпа та ун патне илсе килекен сукмака курăкпа хупланма памалла мар.
Октябрьскинчи Кушников урамĕнче те, ял хутлăхĕн администрацийĕ йĕркеленипе, шыв башнин насусне улăштарчĕç. Ĕç вырăнне манипулятор-кран та хăваласа килчĕç. Малашне халăха шывпа тивĕçтерес проблема пулмĕ. Ĕçлекенсем хушшинче А. Афанасьев, В. Мастьянов, Г. Рисков, А. Казанов, В. Патеров тата В. Петров палăрнă.
И. ЭТМЕНЬ.
Источник: "Наше слово" ( Мариинско-Посадская районная газета)