19 августа 2019 г.
Иртнĕ эрнере Чăваш Республикин Пуçлăхĕ Михаил Игнатьев инноваци практикисене анлăлатакан 20 вĕрентÿ учрежденине (кашнине) 200 пин тенкĕлĕх грант уйăрса пама йышĕннă хушу çине алă пуснă.
Вĕсен шутне 5 ача-пăча сачĕ, 3 пултарулăх центрĕ, 10 шкул тата 2 техникум кĕреççĕ. Чăваш Республикин вĕрентÿпе çамрăксен политикин министрĕ С. Кудряшов пĕлтернĕ тăрăх, патшалăх пулăшăвĕ вĕрентÿ учрежденийĕсене пурлăхпа техника базине лайăхлатма, кунта паракан пĕлÿсен пахалăхне пысăклатма май парĕ.
Республика, Раççей тата тĕнче шайĕнчи олимпиадăсен çĕнтерÿçисене хатĕр-ленĕ педагогсене (уйрăмах чĕлхеçĕсене) укçапа хавхалантарас программа малалла ĕçленине те палăрт-нă министр. Унпа килĕшÿллĕн çĕнтерÿçĕсене хатĕрлекенсем патшалăхран 100 пин тенкĕ, призерсене хатĕрлекенсем 50 пин тенкĕ пулăшу илĕç.
ЧР Пуçлăхĕн Администрацийĕн пресс-служби.
Источник: "Наше слово" ( Мариинско-Посадская районная газета)