19 августа 2019 г.
Çак кунсенче район администрацийĕн пуçлăхĕ Анатолий Мясников тата ялхуçалăх пайĕн пуçлăхĕ Владимир Мустаев тырпул пухса кĕртессипе хĕрсе ĕçлекен хуçалăхсене çитсе курчĕç.
Районĕпе пурĕ 8763 гектар çинчен тырпул пухса кĕртмелле. Хальлĕхе 1880 гектартан çулса çапма ĕлкĕрнĕ. Ку 21,4 процентпа танлашать. Пухса илнĕ тырпулăн вăтам тухăçĕ – 29,7 процент. Ĕнерхи куна 5585 тонна пухнă, вăл шутра: 3809 тонна - тулă, 1120 тонна - урпа тата 656 тонна - сĕлĕ.
«Смак-Агро» тата «Чебо-Милк» тулли мар яваплă обществăсен уйĕсенче пурĕ 9 комбайн ĕçлет.
«Авангард» тулли мар яваплă обществăн «Цивильский бекон» филиалĕнче кĕрхи культурăсене пĕтĕмпех пухса кĕртнĕ. 474 гектар çинчи кĕрхи тулăран 1844 тонна тырă çапса илнĕ.
О. ГУСАРОВ.
Источник: "Наше слово" ( Мариинско-Посадская районная газета)