24 марта 2012 г.
Ĕнер пирĕн хуламăрта чаплă лару-тăрура строительствăпа кил-хуçалăх товарĕсен «Ярославский» ятлă лавккийĕ уçăлчĕ. Вăл Ярославская урамри 2 «Г» çуртра вырнаçнă. Унăн хуçийĕ А. Аверьянов хăйĕн суту-илÿ çуртне çулталăк каялла кăна тума пуçланă.
Район администрацийĕн пуçлăхĕ Ю. Моисеев Анатолий Васильевича çак паллă кунпа саламланă май, лавкка çурчĕ микрорайон сăн-сăпатне илемлĕх тĕлĕшĕнчен те пуянлатĕ, çынсем валли те çĕнĕ ĕç вырăнĕсем тума пулăшĕ тесе палăртрĕ.
Çак кун «Ярославский» лавккара пулнă çынсем тĕрлĕ сантехника, килти хуçалăх таварĕсемпе тулнă пуян сентресене курса савăнчĕç, (сăмах май каласан, кунта кил-çурт валли урайĕнчен пуçласа, пÿрт çивиттийĕ витмелли таранах тавар пур), асăнмалăх парнесемлĕ те пулчĕç.
Г. МИХАЙЛОВА.
Источник: "Наше слово" ( Мариинско-Посадская районная газета)