17 марта 2012 г.
Л. Сарине çыравçă Кĕчкейри тĕлпулура
Кĕчкей библиотекинче час-часах тĕрлĕ мероприятисем иртеççĕ. Акă, нумай пулмасть тĕлпулăва Лидия Михайловна Сарине çыравçă килсе çитрĕ. Пире вăл хăйĕн кун-çулĕпе, ĕçĕ-хĕлĕпе, пултарулăхĕпе паллаштарчĕ. Унăн сăввисене итлесе те килентĕмĕр эпир.
Тĕлпулăва малалла Октябрьски шкулĕнче вĕренекен, Кĕчкей ялĕнче пурăнакан ачасем Л.Сарине çырнă «Наян мулкач» пьесине лартса панипе тăсрĕç. Уйрăмах М.Шиверов, М.Яковлева, Р. Алюшин, Ю.Вазюкова, М.Алюшин, Д.Уральский вылянисем кăмăла кайрĕç. Эпир лартнă спектакле Лидия Михайловна та кăмăлларĕ, ырларĕ. Вăл хайланă кĕнекесен куравне «Асли ăслă, кĕçĕнни сапăр пултăр» ят патăмăр. Тĕлпулу ачасене те питĕ килĕшрĕ. Вĕсем çыравçа хăйсен кĕнекисем çине асăнмалăх алă пустарчĕç.
Пирĕн ăна хăйĕн ĕçĕсене пăрахса тĕлпулăва килнĕшĕн чун-чĕререн тав тăвас килет.
Источник: "Наше слово" ( Мариинско-Посадская районная газета)