17 марта 2012 г.
Çак çулталăкран районти сĕт-çу фермисен йышĕ ÿсрĕ, ăна А. Белов фермер хуçалăхĕ пуянлатрĕ. Кунта илсе килнĕ ăратлă выльăх пăрулама тытăннăран сĕт «çăлкуçĕ» уçăлчĕ. Пăрулакан ĕнесем сĕт аван антараççĕ.
Ытти ялхуçалăх предприятийĕсенче те ĕнесем пăруласах тăраççĕ. Кашни ĕне пуçне вăтамран тивекен сăвăм виçи хальлĕхе пит пысăках мар. Шуршăлти «Смак-Агро» (е «Нам ЭКО») хуçалăхри ĕне выльăхсен ытларах пайĕ пĕтĕ. Кунта массăллă пăрусем илесси çуллахи вăхăта лекет.
И. НИКИТИНА.
Источник: "Наше слово" ( Мариинско-Посадская районная газета)