21 января 2012 г.
Килен-каяна илĕртет
42 хуçалăхран тăракан Вăрман Кушкă ялĕ килен-каяна хăйĕн илемлĕхĕпе, тасалăхĕпе илĕртет. Çак тирпейлĕхпе илĕртÿлĕхе, паллах, ял халăхĕ хăй тăрăшнипе кăна тума пултарнă. Кирлĕ мар вырăнта ÿссе ларнă çÿп-çап, хăлтă куписем кунта пурăнакансем çине тăнипе куçран çухалнă, урам хушшинчи вут-шанкă, тĕрлĕ строительство материалĕсем те пуçтарăннă. Иртнĕ çул та, ав, пурте кар тăрса çăлкуçăн кивелнĕ, юрăхсăра тухнă пăрăхĕсене улăштарнă. 2009 çулта вара Вăрман Кушкă ялĕнчи Ольховая урам республика шайĕнчи конкурсра виççĕмĕш вырăн çĕнсе илнĕ.
Источник: "Наше слово" ( Мариинско-Посадская районная газета)