19 февраля 2011 г.
Иртнĕ кĕçнерникун Раç-çейри куç курманнисен обществин вырăнти уйрăмĕн отчетпа суйлав конференцийĕ иртрĕ. Унта район администрацийĕн культурăпа социаллă аталану уйрăмĕн пуçлăхĕ О. Залогин, асăннă обществăн регионти уйрăмĕн председателĕ Ю.Сергеев, Сĕнтĕрвăрри тата Шупашкар районĕсенчи халăха социаллă хÿтлĕх паракан пайсен ертÿçисем В. Малеевпа А. Константинов, Пенси фончĕн районти управлени ертÿçин çумĕ Г. Мокина тата республикăри ытти делегатсем хутшăнчĕç. Конференци вăхăтĕнче çÿлерех асăннă обществăн представителĕсем 2006-2010 çулсенче туса ирттернĕ ĕçсен пĕтĕмлетĕвĕсемпе паллаштарчĕç. Вĕсем куç курманнисене ятарлă аппаратсем, "калаçакан" кĕнекесем туянма, окулистсем патне вăхăтра лекме, куç курман инвалид-ачасене вĕренÿ заведенийĕсене кĕме пулăшаççĕ.
Е.ТИХОНОВА.
Источник: "Наше слово" ( Мариинско-Посадская районная газета)