19 февраля 2011 г.
Вĕрентÿ учрежденийĕсенчи шкул автобусĕсем кивелсе пыни сайра мар чух проблемăсем кăларса тăратать. Çакна шута илсе республикăра ачасене илсе çÿрекен шкул автобусĕсене çĕнетесси палăртнă планпа пурнăçланса пырать. Çулталăк пуçламăшĕнче, тĕрĕсрех, нарăсăн пĕрремĕш кунĕнче, акă, Октябрьскинчи вĕрентÿллĕ ресурс центрне "ПАЗ" маркăллă çĕнĕ автобус çитнĕ. Унччен маларах ку шкул ачисене 2 автобус илсе çÿренĕ, вĕсенчен пĕри самаях кивелсе çитнĕ пулнă. 22 вырăнлă çĕнĕ автобусра вара "Глонасс" система оборудованийĕ те вырнаçтарнă. Ку система сăнав енчен пысăк майсем кÿрет. Тĕслĕхрен, автобус маршручĕ, топливо тăкакĕ çинчен информаци парать тата ытти те.
И. АНДРЕЕВА.
Источник: "Наше слово" ( Мариинско-Посадская районная газета)