05 февраля 2011 г.
Хĕллехи тапхăрта вăрмансенче канма е сунара çÿреме кăмăллакансем йăлана кĕнĕ автотранспортпа пĕрле кĕртсене парăнтарма пултаракан мототранспорт та (урăхларах каласан снегоходсем) тытаççĕ. Çакнашкал транспорт хуçисен хальхи нарăс уйăхĕнче уйрăмах тимлĕ пулмалла. Нарăсăн 2 -23-мĕшĕсенче пирĕн республика территорийĕнче "Снегоход" ятпа профилактика операцийĕ иртет. Ăна çулсеренхи пекех республикăн патшалăх техника надзор инспекцийĕ йĕркелет, ятарлă тĕрĕслеве тухать. Тĕрĕслевĕн тĕп тĕллевĕ çÿлерех асăннă мототранспортăн юсавлăхĕпе, унпа çÿрекенсем хăрушсăрлăх техникине регистраципе çÿреме ирĕк паракан правилăсене пăхăннипе çыхăннă. Çавăнпа профилактика операцийĕ тапхăрĕнче патшалăх техника надзорĕн районсенчи инспекцийĕсен ертÿçисем рейдсене снегоходсемпе анлăн усă куракан вырăнсене (тĕслĕхрен, туристсен базисене, кану çурчĕсене, санаторипе профилактика учрежденийĕсене тата ыт. те) тăтăшах тухса çÿрĕç.
Ю. ГРИГОРЬЕВ.
Источник: "Наше слово" ( Мариинско-Посадская районная газета)