29 января 2011 г.
Асăрхануллă пулăр!
Çанталăк пĕрре ăшăтать, тепре сивĕтет. Çавна май çурт тăррисенче пухăнса кайнă юртан тумла пăрĕсем пулаççĕ. Вĕсем вара çурт умĕпе иртен-çÿрекеншĕн чăннипех хăрушлăх кăларса тăратаççĕ. Сахал-и çакăн пек пăр катăкĕсем ÿксе çынсене вилмеллех амантнă тĕслĕхсем. Акă, Мускав, Санкт-Петербург хулисенче çак сăлтава пулах кăçал пĕрремĕш класа çÿрекен икĕ ачан пурнăçĕсем татăлнă. Кун пек хăрушă хыпарсем юлашки вăхăтра çине-çинех илтĕне пуçларĕç.
Пирĕн хулара пурăнакансен те ку тĕлĕшпе асăрхануллă пулмалла. Инкек тепĕр чух пач кĕтмен çĕртен сиксе тухма пултарать.
С. ИВАНОВА.
Источник: "Наше слово" ( Мариинско-Посадская районная газета)