22 января 2011 г.
Юрататăп хĕллене
Раштав уйăхĕн вĕçĕнче шкулта хĕл уявĕ пулчĕ. Ачасене саламлама Хĕл Мучипе Юр Пике килчĕç. Эпир илемлетнĕ елка тавра карталанса ташларăмăр, юрларăмăр, сăвăсем каларăмăр.
Хĕллехи каникулта та эпĕ аннепе хулана елкăна кайрăм. Унта "Хĕл Мучи" юмаха кăтартрĕç. Юмах мана питĕ килĕшрĕ. Кунта та Хĕл Мучипе Юр Пике пулчĕç. Эпĕ каникул вăхăтне те интереслĕ ирттерме тăрăшрăм. Аттепе иксĕмĕр конькипе ярăнма шыв сапа-сапа пăр лаптăк турăмăр. Унта ачасемпе ăмăртмалла ярăнтăмăр.
Н. ФЕДОТОВА,
Карапашри пуçламăш шкулта 3-мĕш класра вĕренекен.
Источник: "Наше слово" ( Мариинско-Посадская районная газета)