22 января 2011 г.
Раççей космонавтикин çулталăкĕ
Юрий Гагарин космоса вĕçнĕренпе 50 çул çитнине чысласа, 2011 çула Раççей космонавтикин çулталăкĕ тесе пĕлтернĕ. РФ Президенчĕ Дмитрий Медведев тивĕçлĕ указа утă уйăхĕн 31-мĕшĕнче алă пуснă.
Юрий Гагарин летчик-сăнавçă 1961 çулхи ака уйăхĕн 12-мĕшĕнче тĕнче уçлăхĕнче вĕçевре пулнă. Вăл "Восток" караппа Байконур космодромран Çĕр тавралăхне çул хывнă, ун тавра пĕр хут вĕçсе çаврăннă. Вĕçевре ирттернĕ пĕтĕмĕшле вăхăт 108 минут шутланнă. Ю. Гагарин пурнăçĕ хăнăхмалли вĕçеври инкеке пула Владимир облаçĕн Киржач районĕнчи Новоселово ялĕ çывăхĕнче татăлнă.
Пăрачкаври тĕп библиотекăн вулав залĕнче "Çăлтăрсем патне хывнă çул" кĕнеке выставки йĕркеленĕ. Выставкăн пĕр-ремĕш уйрăмне Ю. А. Гагарина тата унăн тĕнче уçлăхĕнчи вĕçевне халалланă пулсан, иккĕмĕш уйрăмĕ - йăлтах пирĕн ентешĕмĕр А. Г. Николаев космонавт-летчик çинчен.
Космонавтика çулталăкĕн йĕркипе районти мĕнпур библиотекăсенче тĕрлĕрен мероприятисем ирттереççĕ, курав презентацийĕсем, викторинăсем, асăну сехечĕсем, литература тишкерĕвĕсем, çавăн пекех электронлă альбомсем туса хатĕрлеççĕ.
Источник: "Наше слово" ( Мариинско-Посадская районная газета)