10 июля 2010 г.
Сĕнтĕрпуç ял хутлăхĕнчи Пуснаркассинче фельдшерпа акушер пунктĕнче тăрăшакан Ольга Геннадьевна Андреева– хисепре. Ял халăхĕпе вăл пĕр чĕлхепе калаçать, хăйĕн патне çÿрекен чирлĕ çынсемпе те тĕлĕнмелле тимлĕ. Чире эмелпе çеç мар, ырă сăмахпа та айккинелле пăрса яма май пуррине аван ăнланать. Чăн та, унăн ăш сăмахĕ, пархатарлă сĕнĕвĕ-канашĕ сахал мар çынна сывалма, сипленме пулăшнă, пулăшать те.
Ырă та сăпайлă, çав хушăрах пултаруллă Ольга Геннадьевна, паллах, обществăлла ĕçрен те айккинче юлмасть. Пĕлтерĕшлĕ ĕçсем те шанса параççĕ ăна. Тĕслĕхрен, тĕрлĕ йышши суйлавсенче суйлав участокĕн председателĕн лавне туртса пырасси пурин те ăнăçлă пулсах каймасть. Ял халăхĕпе пуплеме, пурăнма, кирлĕ чух унран ыйтма, ăна пулăшма пĕлни ăнтарать те унăн ĕçне.
Источник: "Наше слово" ( Мариинско-Посадская районная газета)