10 июля 2010 г.
Юлашки вăхăтра типĕ çанталăк тырпула пĕтерни аграри ĕçченĕсене хытах пăшăрхантарать пулин те вĕсем выльăх апачĕ хатĕрлесси çине алă сулмаççĕ. Выльăх йышĕ валли утта çителĕклĕ хатĕрленипе пĕрлех сутса укçа тумалăх та запаса хываççĕ. Çак эрне варри тĕлне, сăмахран, районти ялхуçалăх предприятийĕсенче утта 800 тонна типĕтсе, пресласа хатĕрленĕ, силоса 1800 тонна таран траншейăсене хывнă.
Уйрăм хуçалăхсене илес пулсан, мăйракаллă шултра выльăх-вăкăрсем самăртассипе специализациленекен «Сентреш» агрофирма» ОООра 400 тонна силос, 50 тонна утă хатĕр те ĕнтĕ. «Восток» СХПКра силосăн иккĕмĕш лакăмне тултарма тытăннă (пĕтĕмĕшле калăпăш 1200 тонна). Хуракассинчи Н. Плотникован хресченпе фермер хуçалăхĕнче те, «Рассвет» ОООра та выльăх апачĕ хатĕрлесси анлăн пурнăçланать.
А. Г. Николаев ячĕллĕ ОООра тата ытти хуçалăхсенче те хĕрсех утă тăваççĕ.
Источник: "Наше слово" ( Мариинско-Посадская районная газета)